9月20日，晴，赤柱

我和七位同事陪荷蘭同事大隻仔到赤柱遊覽。到了赤柱大街，大隻仔說想買些有特色的小禮物給女朋友，結果進了一家賣有刺繡小飾物的雙連店舖去。三位同事陪他到一旁揀選，我和另三位女同事到另一邊看，當時我們正在研究裝酒瓶的刺繡袋子，店裏的女店東（我猜是吧）一臉不悅的走過來，我們馬上讓路。突然傳來狗吠聲，原來兩名日本女遊客想逗玩店裏兩頭北京狗。女店東放聲向她們大罵：「搞搞震冇幫襯緊係吠你啦！」

日本女遊客聽不懂。她轉而目標向我們四人大嚷：「唔係買嘢就唔好睇啦，叫你借過，左嗌右嗌都唔借（佢未出聲我地已經讓開啦），得個睇又唔買，阻住晒…一味企响門口度塞住晒，人地要做生意架嘛！…（下刪無數字）」

暑期工福娃第一時間嚇至飛奔，花花和瑪斯向那婆娘怒睥，我則施施然步出店外，回頭大叫：「咁o既服務態度，聽執啦！有規定睇咗就要買ｏ架啦？」

那婆娘繼續向我們發炮。

花花大叫：「呢啲貨色都賣廿蚊，深水埗十零蚊大把啦，使嚟呢度買！」

瑪斯也大嚷：「睇唔啱就唔買架啦！點做生意架？打去旅遊協會投訴你呀！」

福娃面色慘白：「我地快啲走啦，我唔想企响佢門口呀！我行去邊拎咩嚟睇，佢個仔都跟到實一實好似驚我偷咁！我冇錢咩？」

店裏那婆娘繼續大罵。

同時，我們四人七嘴八舌：啲嘢cheap到死，仲賣咁貴！記住呢間舖頭個名同地址，上網寫衰佢！叫晒啲friend唔好嚟，唔好帶外國朋友嚟！影底佢張相擺上網先！（想拎手機出來影，但佢個仔望住我地）

若非大隻仔還在另一邊揀禮物，我們一早走了，還要繼續俾那臭婆娘罵？

其他店舖和遊人都看到聽到我們的對話，可能也見怪不怪了。人家的店都是客人絡繹不絕的，只有這家店拍烏蠅，可想而知這家店有多好客了。

到今天，仍記得這家店的地址是赤柱大街5號的雙連舖。